♫ பாடலைக் கேட்க / பதிவிறக்கம் செய்ய... ⇩♪
சீயோனிலே புகழ் பாடுவேன்
பணிந்துன்னைத் தொழுவேன் என் பளுவெல்லாம் சுமந்தாய்
இதயத்திலே உனைத் தாங்கினேன்
உனதருகில் வாழ்கின்ற வரமெனக்கு நீ தந்தாய் -என் தேவா...
1. மீட்பின் கடவுள் கேட்பதைத் தருவார் -2
நம்பிக்கை தீபம் ஆற்றலும் ஊற்று
அமைதியின் ரூபம் அருளொளி கீற்று
அலையின் ஓசை அடங்கச்செய்யும் தேவன்
கிழக்கும் மேற்கும் மகிழ வைக்கும் ஆதவன்
எங்கெங்கு பார்த்தாலும் என் தேவன் கைவண்ணம்
எனது வாழ்வும் வழியுமான இறைவனே
2. கடவுளின் ஆறு கரைபுரண்டோடும் ஆ -2
பசுமைப் புரட்சி நீர்நிலைக் காட்சி
வளமையும் செழுமையும் இறைஅன்பின் சாட்சி
பாலைநிலமும் மேய்ச்சல் வெளியாய் மாறும்
பாறைமீது விதைகள் விழுந்து வாடும்
எங்கெங்கு பார்த்தாலும் என் தேவன் கைவண்ணம்
எனது முதலும் முடிவுமான இறைவனே
