✠ தேவமாதா சர்வதேச வானொலி ♫ கத்தோலிக்கப் பாடல்கள்: அதி மங்கல காரணனே

அதி மங்கல காரணனே

அதி மங்கல காரணனே
துதி தங்கிய பூரணனே,
நரர் வாழ விண் துறந்தோர்
ஏழையாய்ப் பிறந்த
வண்மையே தாரணனே!

1. மதி மங்கின எங்களுக்கும்,
திதி சிங்கினர் தங்களுக்கும்
உனின் மாட்சியும் திவ்விய காட்சியும்
தோன்றிடவையாய் துங்கவனே

2. முடி மன்னர்கள் மேடையும்,
மிகு உன்னத வீடதையும் நீங்கி
மாட்டிடையே பிறந் தாட்டிடையர் தொழ,
வந்தனையோ தரையில்?

3. தீய பேய்த்திரள் ஓடுதற்கும்,
உம்பர் வாய்திரள் பாடுதற்கும், உனைப்
பின்பற்றுவோர் முற்றும் துன்பற்று வாழ்வதற்கும்
பெற்ற நற்கோலம் இதோ?

இதற்கு குழுசேர்: இடுகைகள் (Atom)

✠ ஓய்வு நாள் ஒழுங்குகளை உதறித் தள்ளாமல், நமது பரிசுத்த நாளில் உன் விருப்பம் போல் செய்யாமலிருந்தால்: ஓய்வு நாளை இன்ப நாள் என்றும், ஆண்டவருடைய பரிசுத்த நாளை மகிமையான நாள் என்றும் போற்றினால்: அன்று உன் மனம் போன போக்குப்படி செல்லாமல், உன் விருப்பம் போலச் செய்யாமல், வீண் பேச்சுகளைப் பேசாமல் அந் நாளை மதித்து நடந்தால், அப்போது ஆண்டவரில் பேரின்பம் அடைவாய், நாட்டின் உயரமான இடங்களிலெல்லாம் உன்னை வெற்றிப் பவனியாய்க் கொண்டு செல்வோம்: உன் தந்தையாகிய யாக்கோபின் உரிமைச் சொத்திலிருந்து உனக்கு உணவு வழங்குவோம்: ஆண்டவரே இதைத் திருவாய் மலர்ந்தார்." இசையாஸ் 58: 13-14.

✠ எக்காளத் தொனி முழங்க அவரைப் புகழ்ந்தேத்துங்கள்: வீணையுடன் யாழ் இசைத்து அவரைப் புகழ்ந்தேத்துங்கள். முரசொலித்து, நடனம் செய்து அவரைப் புகழ்ந்தேத்துங்கள்: நரம்பிசைத்து, குழல் ஊதி அவரைப் புகழ்ந்தேத்துங்கள். நாதமிகு தாளத்துடன் அவரைப் புகழ்ந்தேத்துங்கள்: கைத்தாள ஒலிமுழங்க அவரைப் புகழ்ந்தேத்துங்கள். உயிருள்ளதெல்லாமே அவரைப் புகழ்ந்தேத்துவதாக. அல்லேலூயா!சங். 150:3-6