♫ பாடலைக் கேட்க / பதிவிறக்கம் செய்ய... ⇩♪
அர்ப்பண மலராய் வந்தேன்
அர்ச்சனையாக்கினேன் என்னை (2)
மணமில்லாத மலரானாலும் இதழ்வாடியே போனாலும் (2)
வேள்வியில் சேர்த்துக்கொள்வாய் - அந்த
ஜோதியில் நிறைவு கொள்வேன் (2) ஆ...
1. கோதுமை மணியாய் மடிந்து என்னை
வெண்ணிற அப்பமாய்த் தந்தேன் (2)
என்னுடல் உன்னுடல் ஆகிடவே உன்னுடலாய் நான் மாறிடவே
மகிழ்வுடன் தந்தேனே என்னைக் கனிவுடன் ஏற்பாயே -2 ஆ....
2. விதியென்னும் சகதியில் சாய்ந்தேன் - புவி
அதிபதி உன் திட்டம் மறந்தேன் (2)
மதியில்லாதவன் ஆனாலும் விழியிழந்தே நான் போனாலும்
சுதியுடன் சேர்த்துக்கொள்வாய்
நான் கவியுடன் பாட்டிசைப்பேன் -2
